Балкански криминалци за 20 илјади евра си ваделе легални македонски пасоши за да може „на раат“ да си ја тераат работата. За десетмина полициски службеници се поднесени кривични пријави. Власта и опозицијата меѓусебно се обвинуваат за случајот.
За да работиш како плочкар во Германија ти треба бугарски пасош. За дилер, условите не се толку строги, може и со македонски, коментираат граѓаните на социјалните мрежи по обелоденувањето на пасошката афера.
Балканските криминалци си ваделе македонски пасоши со други имиња и со нив си терале бизниси по светот. Пасошите не се фалсификувани, туку оригинални. Криминалците си доаѓале, уплатница, таксена марка, се сликале и си добивале оригинален македонски пасош под друго име, со кој после си терале други бизниси.
Албум со официјални пасоши “МВРини“ pic.twitter.com/C4wXunHe4K
— MITE NAJDOFF (@Kalabalak_) April 7, 2021
Македонските граѓани за добивање бугарски пасош треба да докажат бугарско потекло, криминалците за македонски пасош, пак, треба да приложат 20 илјади евра.
И на едните и на другите, пасошите им се за да може да „работат“ во странство.
Додека наш народ се тепа за бугарски пасоши, не сме сфатиле дека и нашите биле на цена… кај одредени кругови.
— Saso (@saso_arsov) April 6, 2021
Повеќе >> www.slobodnaevropa.mk