Организација на грчки хакери, кои преку Твитер честопати информираат дека упаднале во македонски институции и интернет сајтови, тврди дека го хакирала Министерството за образование.
Групата која се нарекува „Моќната грчка армија“ објави снимки кои изгледаат како да се од интерните видео камери поставени во Министерството.
Ministry of Education and Science of North Macedonia – https://t.co/HkkXOkVH8T has been hacked by Powerful Greek Army.
Database dumped: https://t.co/44LIe1iXXi.
We have access even in their camera systems, we watch you 24/7, we have eyes everywhere, Skopje.. #PGA #OpEndMacedonia pic.twitter.com/M4wpL6p3nd— Powerful Greek Army (@PowerfulGRArmy) February 4, 2022
Имаме пристап до вашите системи за снимање, ве гледаме 24/7, имаме очи насекаде, Скопје, порачува групата.
Групата објавува хештег „ОперацијаКрајнаМакедонија“ – #OpEndMacedonia во своите активности. Тие велат дека упаднале во компании како Македонски Телеком, интернет портали кои се критички кон Грција и дека подготвуваат уништување на македонската интернет инфраструктура. Групата исто така тврди дека има успешни упади во турски институции.