Бојан Јовановски – Боки 13 објави коментар на Инстаграм во кој раскажува како неговите некогашни пријатели го напуштиле и му свртеле грб кога почна процесот Рекет и кога тој се најде во затвор.
Кога ме притворија и затворија многу од моите таканаречени пријатели, роднини, другари и соработници ме избришаа од листата на ЖИВИТЕ… како небаре да сум мртов и да ме закопале, а не притвориле и затвориле… Па така занесени во сопственото лицемерие и хиенски потреби, едни велеа дека не ме познаваат, други дека ме познавале само од телевизија, трети велеа дека ми биле но дека повеќе не ми се пријатели и дека они биле шокирани кога дознале што сум правел (а ништо не сум правел и ништо не сум им направил и токму тие први ме осудија, баш тие кои што сум се обидувал да ги направам луѓе иако биле обични штетни крлежи закачени на мојата кожа) , четврти ме испокрадоа, петти се дистанцираа најмизерно од мене а добро им беше кога земаа огромни плати, а еден голем дел се оние, најодвратните, кои што ми се лигушеле најполтронски во “нормалниот” свет, а потоа се наслудуваа на мојата ситуација велејќи “убаво му направија, малку му е” е на таквите полтрони им посакувам истото мое “убаво” да го доживеат на сопствена кожа за да почуствуваат колку е убаво, пишува Бојан Јовановски од затворот каде што е на издржување казна за случајот „Рекет“, вели Боки.
Тој додава дека овие предавства само го мотивираат да истрае и да се бори за својата вистина.
Мотивација да продолжам со дигната глава, да се борам и да успеам во својата борба, со Божја волја и помош а не со нивна! За волја на вистината со мене во моите најтешки моменти покрај мајка ми и татко ми останаа само неколку луѓе кои можат да се избројат на прсти, но верувајте ми дека сум благодарен што ги имам и тие малку по бројка, но премногу по квалитет и значење, нека се сите тие живи и здрави и од срце им благодарам што покажаа дека сеуште имало и по некој човек….Фала ви од се срце!!! Благодарам и на оние луѓе кои што не ги познавам лично а ми пружиле поддршка искрена и од срце, верувајте во ситуација во која се наоѓам, секој убав збор, планина вреди, затоа ви благодарам. Скоцкан сум и од затвор… тоа ви пречеше , ви пречи и нека ви пречи, ако е тоа главниот проблем во нашата држава, тогаш ние сме навистина среќно и успешно општество!!! Скоцканиот “криминалец” го фативте… смешни сте!, вели Боки.
