Претседателот на Советот на јавните обвинители, Коле Штерјев, по речиси осум часа од денешната седница за точката за разрешување на Катица Јанева, рече дека денеска одлука не донеле и продолжуваат в четвррок во 10 чааот.
„Советот од 11 часот досега работеше на разгледување на списите од предметот. Се работи за обемен предмет, за обемни списи, има многу прибавени докази, многу транскрипти…“, рече Штерјев пред новинарите.
Сите списи требало да ги прочитаат и разгледаат членовите на Советот, рече претседателот на ова тело.
„Ние до овој момент дојдовме до состојба во која ги разгледавме и проучивме сите списи и оценивме дека за денеска е доволно“, рече Штерјев.
Тој појасни дека одлуката, каква и да е, треба да биде добро образложена.
Поради разрешувањето на Јенава, поместена е точката за избор на заменик на Штерјев на позицијата претседател на Советот на јавните обвинители.
Извор: makfax.com.mk