Лија Томас, трансвестит роден како машко под името Вил Томас, победи во универзитетскиот пливачки натпревар за жени. Томас, кој како маж бил просечен пливач, ги совлада конкурентките во женска категорија.
Penn’s Lia Thomas won the 500-yard freestyle at the NCAA women’s swimming and diving championships.
Thomas becomes the first known transgender athlete to win an NCAA Division I championship in any sport.
Full story from @katie_barnes3: https://t.co/mYzU5uBDpS pic.twitter.com/zgmIEgKO5x
— SportsCenter (@SportsCenter) March 17, 2022
Во финалната трка на 500 јарди, на Томас му недостасуваа само 9 секунди да го собори и рекордот на НЦАА натпреварувањето, кој го има поставено легендарната пливачка Кети Ледецки. Три натпреварувачки беа блиску до Томас – второпласираната Ема Вејант заостануваше за нецели 2 секунди за Томас.
Победата на натпреварувач кој израснал и спортувал како маж во женска категорија предизвика бура од контроверзи, поради генетската предност што Томас ја има над женските натпреварувачки. Вејант беше поздравена со гласен аплауз, со што публиката во базенот во Атланта практично и изрази поддршка како да е вистинска победничка. На победничкиот подиум, женските натпреварувачки се фотографираа заедно, оставајќи го Томас осамен на првото место.
Поддржувачите на Томас, пак, сметаат дека ако тој се чувствува како жена, и ако поминал хормонална терапија да го намали природното ниво на тестостерон, тогаш треба да му се дозволи да се натпреварува со жените.