Додека Македонија останува блокирана од страна на Бугарија, која ни поставува тешки услови за разнебитување на македонскиот идентитет, поранешниот министер за надворешни работи Никола Димитров објави порака во која се смее и кажува шеги за тешката ситуација во која не доведе.
„Ситуацијата е очајна, но не е сериозна“, напиша Димитров, објавувајќи фотографија со свои пријатели – „експерти“ за Балканот во Берлин. Се работи за позната германска шега која се користи во тешки моменти за државата.
“The situation is desperate, but not serious” mood last evening in Berlin discussing the Western Balkans EU integration with @StevenBlockmans @MarioHolzner, Dushan Reljic, Ardian Hackaj and Srdjan Bogosavljevic. pic.twitter.com/zU8LLBiwuZ
— Nikola Dimitrov (@Dimitrov_Nikola) May 17, 2022
Целата дружина е насмеана и добро расположена со кригли пиво пред нив. Во меѓувреме, претставникот на ЕУ Жозеп Борел предупредува дека Македонија и регионот ќе се најдат во тешка криза ако ветото не биде кренато до 30 јуни.
Никола Димитров беше министер за надворешни работи кога Заев го потпиша Договорот за пријателство со Бугарија – Бугарија сега не блокира под обвинение дека не го спроведуваме овој договор. Димитров лично го потпиша Договорот од Преспа, кој ги мотивираше Бугарите да побараат нови, дополнителни отстапки од Македонија, со менување на Уставот и уште подлабоко посегање по нашиот идентитет. За време на Шарената револуција, тој ја убедуваше јавноста дека со отстапки кон соседите Македонија ќе може да ја добие нивната поддршка за членство во ЕУ и НАТО.