Поранешниот министер за надворешни работи Никола Димитров побара построги економски санкции врз Русија по обвинувањата дека руските сили извршиле масакр на цивили во украинскиот град Буча. Според Димитров, светот не смее веќе да купува руски енергенси и така да ја помага руската економија.
По масакрот во Буча, длабоко неморално е секое спомнување на економската цена и економскиот товар од забраната на руската нафта и гас, тоа е загрижувачко и крајно краткогледо: иднината на светот ќе ја определи тоа што ќе го направиме или нема да го направиме денес!, бара Димитров.
After #BuchaMassacre debating the economic cost and burden of banning Russian oil and gas is deeply immoral, disturbing and extremely shortsighted: the future of the world will be determined by our (non)actions today!
— Nikola Dimitrov (@Dimitrov_Nikola) April 3, 2022
Западните земји воведоа низа на финансиски санкции врз Русија, но не и врз рускиот енергетски сектор, поради страв дека санкции врз руската нафта и гас ќе предизвикаат сериозни потреси на светските пазари и дополнителна инфлација.