Тоа не беше сјајно искуство за македонскиот народ. Токму затоа, како поранешен претседател, сакам да го испратам моето извинување и да ја поправам грешката што ја направив тогаш – изјавил екс претседателот на Србија Борис Тадиќ за скопската ТВ Сител минатиот месец но веста тогаш не ја пренесоа македонските медиуми.
Тадиќ се извинил во врска со српската жандармерија која во времето на кралска Југославија била распоредена во Македонија за да се бори со припадниците на ВМРО.
Убеден дека тоа може да придонесе за зближување на двата народа, Тадиќ изјавил дека имал посебна посветеност за решавање на односите меѓу Српската православна црква и Македонската православна црква.
Тадиќ, кој присуствувал на финалето на фестивалот „Охридско лето“ во Скопје, на кое присуствувал и театарот „Звездара“ од Белград, рекол дека многупати бил во Македонија како претседател на Србија и дека е посветен на решавање спорни прашања од минатото.
Тој додал дека ова е важно затоа што Србија и Македонија се поврзани не само историски, туку нема точка каде што не се присутни силни врски меѓу двете нации.
– Денес имав можност да разговарам со научници, историчари, а не само со политичари. Некои од нив ми кажаа важни работи и се чувствувам виновен бидејќи, кога бев претседател на Србија, не му се извинив на македонскиот народ за присуството на српската жандармерија во Македонија – рекол Тадиќ во изјавата, пренесоа во август српските медиуми.