И Заев и Мицкоски се согласни дека сега приоритет е здравјето на луѓето и спречувањето на ширењето на вирусот… Одложувањето треба да биде официјализирано на утрешената лидерска средба кај претседателот Пендровски, кое веќе е закажана.. За нов термин на изборите, засега не се разговара..
-Здравјето и безбедноста на граѓаните немаат цена. Условите не дозволуваат нормално спроведување на изборите. Сега не е време за политички противници и најважно е процентот на заболени да биде што помал и на излекувани да биде целосен. Време е граѓаните да бидат обединети,вели Зоран Заев – претседател на СДСМ .
„Со вакви анализи и предвидувања изборите би значеле отворање на нови жаришта за корона вирусот. Нема ниту една разумна, и ниту една човечка, рационална, и прагматична причина тие да не се одложат, бидејќи за мене, а верувам и на останатите, борба за власт по цена на животите на граѓаните е неприфатливо“,истакна Христијан Мицкоски – претседател на ВМРО ДПМНЕ.
Според Мицкоски неопходно е веднаш да се прогласи и кризна состојба со која ќе се ограничи излегувањето на граѓаните од домовите… Заев одлуката им ја остава на иституциите, пред Владата..
-Доколку се прогласи кризна состојба и воведување во период од две или три недели, тогаш се надевам дека ризиците на ширење на корона вирусот ќе бидат до таа мера намалени што можеби ќе се справиме со нов бран и пикот кој го очекуваме во наредниот период,истакна Христијан Мицкоски – претседател на ВМРО ДПМНЕ.
– Сите мерки кои што се преземени кај нас дури и предничат од оние земји каде што има прогласено вонредна состојба, но вонредната состојба некој пат се прогласува и заради алатка за менаџирање на ситуациите. Пред сé мислам на здравствените аспекти. Така што верувам дека Владата ќе ги има предвид сите тие аспекти,изјави Зоран Заев – претседател на СДСМна прашање.
Согласност за одложување на изборите пристигна и од ДУИ. Оттаму велат дека изборите и кампањата се последни на листата на приоритети, и во овој период во државата е важна само победата над корона вирусот
На лидерската утре, освен претседателите на поголемите партии, ќе присуствуваат и премиерот Оливер Спасовски и собранискиот спикер Талат Џафери.
Извор: kanal5.com.mk