Центарот во Битола, посебно улицата „Рузвелтова“ каде што треба да се одржи свеченоста во клубот „Ванчо Михајлов“ со бугарскиот врв, е целосно блокиран од полицајци.
„Крвави ви се рацете“, „Гробиштата се полни од бугарското пријателство“, „Фашисти пресоблечени во администратори“ се само дел од транспарентите со кои жителите на битолското село Кравари ќе ја пречекаат бугарската делегација предводена од премиерот Кирил Петков, која денеска доаѓа во Битола.
Петков денеска во Битола ќе отвори клуб кој ќе работи во состав на културниот центар „Иван Михаилов“. Тој ќе биде придружуван од потпретседателката на Бугарија Илијана Јотова, министерката за надворешни работи Теодора Генчовска и поранешната шефица на дипломатијата Екатерина Захариева, кои, како што соопштуваат оттаму „ќе промовираат владини проекти на таа држава на кои ќе им претходи средба на Петков премиер со бугарски здруженија на граѓани во земјава“.
Предвидено е во новоотворениот клуб да има библиотека од над 2.000 учебници, историски книги и дел архивски материјали, што предизвика доста реакции на социјалните мрежи, каде се повикува на протести во Битола.