П.Богојески: Го нудиме Шула Мина бесплатно за 280 болни, а ние ќе волонтираме

Петар Богојески
Прочитај за: < 1 минута

Петар Богојески со хуман потег: Го ставаме на располагање целокупниот капацитет на Шула Мина во Крушево, на здравствениот систем, без надоместок.

“Во ова кризно време невреме за мојот народ и мојата Македонија, по трет пат (сега веќе јавно) ги известувам Министерство за здравство / Ministria e Shëndetësisë / Венко Филипче / Zoran Zaev дека го ставаме на располагање целокупниот капацитет (280 кревети) на Adventure Park & Restaurant Woodland (популарната Шула Мина) во Крушево, на здравствениот систем, без надоместок

Објектот се наоѓа во боженствена природа, а започнал да постои за време на Првата светска војна како кислородна бања за болни од туберколоза! Бидејќи лично јас и моето семејство, поминуваме низ корона пеколот, точно знам што им е потребно на болните! Таму само да престојуваш два дена, пневмонијата ќе исчезне од кислородот од Беговата / Крушевската Корија!

Нема потреба да градите нови монтажни болници и да трошите милиони од овој напатен народ!!! Купете само нафта /нешто имаме ние/, донесете медицински персонал заедно со семејствата и нека се лекува нашиот народ! Бидејќи јас и членови на моето семејство, за кратко ќе имаме имунитет на корона, доброволно се пријавуваме да волонтираме и да помагаме на лекарите и на болните!!!”


- Следи Македонски Весник за повеќе содржини -

SHARE