Уапсено е лицето кое пукаше во народот кај Мавровка!

Прочитај за: < 1 минута

Лицето кое лидерот на ВМРО-ДПМНЕ Христијан Мицкоски го посочува дека се обидело да го убие е приведено во полициска станица, изјавија од МВР за МИА.

Од МВР велат дека засега немаат дополнителни информации за случајот.

Неофицијално, а1он.мк објави дека станува збор за газда на хотел. Приведениот во моментот е во полициска станица во Чаир.

Мицкоски на Фејсбук вечерва објави фотографија на која се гледаат неколку лица, посочувајќи дека едниот од нив требало да го убие.

– Ова е човекот кој требаше да ме убие вечерва. Барам итно да биде приведен од Спасовски и МВР, наведе Мицкоски во објавата.

Мицкоски вечерва учествува на протесниот марш што со одржува под мотото „Ултиматум – Не благодарам“, кој започна пред Владата, од каде демонстрантите се упатија кон Министерството за надворешни работи, а потоа продолжија пред Собранието.

На раскрсницата пред плоштадот „Скендербег“ на влезот во Старата скопска чаршија дојде до екцес меѓу демонстрантите и група луѓе, а очевидци тврдат и дека се слушнале и истрели, но полицијата интервенираше и ги раздели групи, спречувајќи евентуален поголем инцидент.

Граѓаните на социјалните мрежи веќе го открија идентитетот на еден од напаѓачите кои пукаа кон македонскиот народ.

Според објава на Фејсбук, напаѓачот е брат на директорот на Комуналец, Енис Јусуфи – Цефи.