Трајановски: Зошто Владата еднострано си ја отпишува својата обврска за субвенции за превоз на ученици?

Прочитај за: < 1 минута

Самиот претседател на синдикатот на ЈСП кажа дека во минатото се доцнело со месеци, а овојпат се доцнеше со платите неколку денови така што се препознава политичката позадина, истакна заменик-градоначалникот на Скопје, Александар Трајановски, во гостување во ТВ 24, зборувајќи во врска со проблемите кои се создадоа во ЈСП.

– Ако тоа е причина за штрајк тогаш во ред. На онаа вонредна седница беше наговестено дека без политички препукувања треба да преминеме на гласање на решение, можевме две седници во еден ден да имаме.

Суштината на саботажата од Владата е многу јасна, од 2015 превозот на средношколците и студентите со 360 милиони денари се субвенционира за да биде бесплатен. За време на онлај настава се намалува на 120 милиони. Зошто Владата еднострано сега си ја отпишува својата обврска за субвенции? Тука настанува суштинскиот проблем, ова е првпат случај Владата и градоначалникот на Град Скопје да бидат од различна политичка определба, истакна Трајановски.

Тој додаде дека синдикатот на ЈСП не работи во корист на работниците туку покажува политичка позадина во работењето.