На Камчев му се споиле притисоците и му се појавиле отоци на лицето – го лекуваат со сол и со газирана вода

Прочитај за: 2 минути

Алармантна е здравствената состојба на бизнисменот Орце Камчев, кој во КПУ Затвор Скопје немал пристап до дежурен доктор ниту му се дава соодветна терапија, предупредува неговиот тим.

“Денес, при редовната посета на г-динот Камчев, од страна на дел од неговиот правен тим повторно е констатирано она кое изминатите неколку недели се потврдува, дека здравствената состојба на г-динот Камчев е исклучително алармантна, континуирано се влошува и во КПУ Затвор Скопје нема соодветни услови за третирање на истата.
Јордан Камчев постојано има сериозна, силна главоболка , но во КПУ Затвор Скопје нема дежурен доктор за да го прегледа притвореникот. Се праќа медицинска сестра или медицински брат за проверка на состојбата.
Првично, денес во текот на утрото г-динот Камчев имал многу сериозна главоболка и од затворскиот ,,медицински тим,, констатирано било дека има спојување на притисоците и дека има видливи отоци на лицето. Потоа, во 14.30 тој се чувствува многу лошо поради што прегледан е повторно во КПУ Затвор Скопје, констатиран е повторно споен притисок, 90 со 70. Предложено му е да биде однесен на Клиниката за Кардиологија, но тој одбил бидејќи од претходното искуство кога е пренесуван смета дека е само дополнително малтретирање за него во состојбата во која што се наоѓа бидејќи и таму секако не ја добива соодветната терапија со која би се подобрила неговата состојба. Од затворскиот ,,медицински тим,, оваа негова состојба во КПУ Затвор Скопје ја третираат со сол и газирана вода.
Сериозноста на здравствената состојба во која што моментално се наоѓа и несоодветното третирање на истата претставува ризик директно по животот на г-динот Камчев”, се вели во вчерашната реакција на неговиот правен тим.

Од правен, но и етички и морален аспект, и нашиот клиент, г-динот Камчев и ние како правна одбрана во целост поддржуваме активности со кои би се докажала правдата, но апелираме на сериозна разумност кај Обвинителството и судиите и нивна рационалност при донесувањето на одлуките. Сметаме дека целта на мерката ефективен притвор која се применува не е директно да се загрозува здравјето и животот на еден човек се вели во реакцијата на неговите адвокат Гоце Ристески и Александар Михајлоски.

Камчев е веќе 90 дена во притвор за наводен криминал во случајот Плацеви на Водно за кои истрагата требаше да заврши многу одамна.

Судот за разлика од блискиот соработник на премиерот Заев Драги Рашковски одбива да го ослободи бизнисменот од затворски притвор иако тој нудеше пет пати повеќе кауција од Рашковски.

Камчев се смета за еден од најомразените противници на Заев по објавувањето на видеата од случајот Рекет по што мораше да бидат осудени Катица Јанева и Боки 13 блиски луѓе на лидерот на СДСМ.

SHARE